దేవి తన తండ్రి గురించి అడగనని మాటివ్వడంతో మాధవ్ మళ్లీ కొత్త నాటకం మొదలుపెడతాడు. ఆ నాటకంలో ఆదిత్య బలిపశువు అవుతాడు. దేవి ఆలోచన తిరిగి మొదటికొస్తుంది. తండ్రిని వెతికిపెట్టమని ఆదిత్యని వేడుకుంటుంది. దానికి మాధవ్పై కోపంతో రగిలిపోతాడు ఆదిత్య. ఆ తర్వాత ఆగస్టు 18 ఎపిసోడ్లో ఏం జరిగిందో చూద్దాం..
ఆదిత్య అన్న మాటల్ని తలుచుకొని బాధపడుతుంటాడు బాషా. ఏమైందని కమల అడగ్గా.. ‘పటేలు తప్పు చేస్తున్నాడనిపిస్తుంది’ అంటాడు. నేను లేకుండా ఏ పొద్దు బయటికి పోని పటేలు.. ఇప్పుడు నేను వస్తానన్నా తీసుకుపోతలేడని అంటాడు. అలా మాట్లాడకు బాషా అని కమల అనగా.. ‘నేను బాగా సోచాయించే చెప్తున్నా. పటేలు చానా మారిండు. పిల్లలు లేరని పరేషాన్ అవుతున్న పెద్దమ్మ, సత్యలు అమెరికా పోవడానికి అంతా ఏర్పాటు చేశాక కుదరదని చెప్పిండి. సత్యని జరంత జాగ్రత్తగా ఉండమని చెప్పాలి. లేదంటే జిందగీ ఆగమైపోతది’ అంటూ కమలను అలర్ట్ చేస్తాడు. మరోవైపు ఆదిత్య, రుక్మిణిలు కలుసుకొని దేవి గురించి మాట్లాడుకుంటారు. దేవి మనసులో విషం నింపిన మాధవ్ని తిట్టుకుంటారు. ‘మాధవ్ కావాలనే చేస్తున్నాడు. ఒక సమస్య తీరిందంటే ఇంకో సమస్య సృష్టిస్తున్నాడు. రామ్మూర్తి గారి లాంటి మంచి మనిషికి అసలు ఈ మాధవ్ ఎలా పుట్టాడు’ అని అసహ్యించుకుంటాడు ఆదిత్య.
వాళ్ల అమ్మా, నాయనలు బంగారం సారూ. ఆ సారూ ఇలాంటి పనులు చేస్తాడని వాళ్లకు తెలియదు. కానీ ఇప్పుడు ఇలానే చూస్తుంటే మళ్లీ ఏదో కిరికిరి చేస్తాడు అంటుంది రాధ. కొట్టాలంటే కూడా అతని పరిస్థితి చూసి మనసు రావట్లేదంటాడు ఆదిత్య. మరీ అంత భయపడాల్సిన అవసరం లేదు రుక్మిణి. మళ్లీ మళ్లీ దేవిని బాధపెట్టాలని చూస్తే నేను ఊరుకుంటానా..? అని ఆదిత్య ధైర్యం చెప్తాడు. ‘ఏం చేస్తాం పెనిమిటి. అందరి ముందు మంచిగ ఉంటడు. ఎవరికి తెలియకుండా ఇలాంటి పనులు చేస్తాడు’ అని బాధపడుతూ చెబుతుంది రాధ. అసలు మొదట వాడు ఇలా చేస్తాను అన్నపుడే నువ్ జాగ్రత్త పడితే బాగుండేది అని అనగా బిడ్డని ఇలా బాధపెడతాడని తెలిస్తే నేనెందుకు ఊరుకుంటా పెనిమిటి అంటుంది రాధ. సరే నువేం ఎక్కువ ఆలోచించకు. ఆ మాధవ్ని అంత సులువుగా వదిలిపెట్టను. వాడి సంగతి నేను చూసుకుంటాను.. అని మాటిస్తాడు రాధకు. దేవిని ఇంటి దగ్గర ఒక్కదాన్ని వదిలిపెట్టడం మంచిది కాదు. నువ్ ఇంటికి వెళ్లు అని చెప్పి రాధను పంపిస్తాడు ఆదిత్య.
తర్వాత సీన్లో కమలకు పురిటి నొప్పులు మొదలవుతాయి. అందరూ కలిసి ఆస్పత్రికి తీసుకెళ్తారు. అందరూ కుతూహలంగా ఎదురు చూస్తుండగా.. కమల పండంటి ఆడబిడ్డకు జన్మనిచ్చిందని డాక్టర్ చెప్తారు. దాంతో వారి ఆనందానికి అవధులుండవు. బిడ్డను మురిపంగా చూసుకుంటూ మురిసిపోతుంటారు. దేవుడమ్మ నీ బిడ్డ బంగారంలా ఉందని చెప్తుంది బాషాతో. ఆదిత్య కూడా ఆస్పత్రికి వెళ్లి పాపను చూసి సంబరపడతాడు. ఆ తర్వాత సత్య రుక్మిణికి ఫోన్ చేసి కమలకు బిడ్డ పుట్టిందని చెప్తుంది. ఆ మాట వినగానే రాధ ఖుషీ అయిపోతుంది. ఆస్పత్రికి వెళ్లి చూడాలనుకుంటుంది కానీ అక్కడ అందరూ ఉంటారని ఆగిపోతుంది. భాగ్యమ్మకు నువ్వు ‘అవ్వ’వు అయ్యావని చెప్తుంది. నేను దేవమ్మ పుట్టినప్పుడే అవ్వను అయ్యానని హుషారుగా అంటుంది భాగ్యమ్మ. మళ్లీ అవ్వవు అయ్యవని రుక్మిణి చెప్పగా.. అప్పుడు బల్బ్ వెలుగుతుంది. నేను వెంటనే పోయి కమలవ్వని చూసి వస్తానని బయలుదేరుతుంది భాగ్యమ్మ. బిడ్డ పుట్టిందని చెప్పినప్పటి నుంచి నాకూ చూడాలని ఉంది. బిడ్డని ఎత్తుకోవాలని ఉంది. నువ్ ఒక్కదానివే వెళ్తావా అమ్మా.. నేను కూడా వస్తాను.. కానీ ఎలా అంటూ ఆగిపోతుంది రాధ. ‘నువ్ బిడ్డని చూడాలి. అంతే కదా. ఛల్ నువ్ నాతో రా. ఏదైతే అది జరుగుతుంది’ అంటూ రాధని వెంట పెట్టుకుని బయలుదేరుతుంది భాగ్యమ్మ. ఇద్దరూ కలిసి ఆస్పత్రికి వెళ్తారు.
అక్కడ ఆస్పత్రిలో అందరూ పాపని చూస్తూ మురిసిపోతుంటారు. బాషా అయితే బిడ్డని వదిలిపెట్టడు. ‘అమ్మా కమల. రేపు ఇంటికి వెళ్లాక వీడు బిడ్డని ఎవరికీ ఇచ్చేలా లేడు’ అంటూ నవ్వుతుంది దేవుడమ్మ. అంతలోనే ఆస్పత్రికి వెళ్లిన రాధతో ‘అక్క బిడ్డని నువ్ చాటుగా చూడు. అటు వైపు పోదాం పద’ అంటూ తీసుకెళ్తుంది. కిటీకీలో నుంచి బిడ్డను చూసి తెగ ఆనందపడుతుంది రాధ. కమల పక్కన ఉన్న బిడ్డ ఏడుపు వినిపిస్తుంది కానీ రాధకు బిడ్డ కనిపించింది. ఎవరు రాలేదని ఏడుస్తున్నావమ్మా.. అంటూ దేవుడమ్మ, బాషా అంటుంటారు. బిడ్డని దేవుడమ్మ చేతుల్లోకి తీసుకోవడంతో రాధకు బిడ్డ మొహం కనిపిస్తుంది. అది చూసి రాధ మనసులో ‘అత్తమ్మా’ అంటూ ఉహించుకుంటుంది. ‘ఏంటి రుక్మిణి ఇప్పుడా వచ్చేది. చూడూ నువ్ రాలేదని నీ కూతురు ఎలా ఏడుస్తుందో. అదిగో మీ పిన్నమ్మ వచ్చింది ఇప్పుడు సంతోషమా’ అంటూ పాపని రుక్కు చేతుల్లో పెడుతుంది దేవుడమ్మ. చూశారా.. చూశారా.. రుక్మిణిని చూడగానే ఏడుపు ఆపేసింది. ఈ పిల్ల అప్పుడే వాళ్ల చిన్నమ్మ పార్టీలో చేరిపోయినట్టుంది అని దేవుడమ్మ అంటుండంగా.. ఆమె భర్త ‘ ఇంత మంది ఆడిస్తుంటే ఇప్పటిదాకా ఏడ్చి.. ఇప్పుడు వాళ్ల పిన్నమ్మను చూడగానే ఏడుపు ఆపేసింది అంటే అర్థం అదే కదా అంటాడు నవ్వుతూ. అప్పుడు అందరి ముఖాల్లో ఆనందం పొంగిపొర్లుతుంటుంది. ఆ తరువాత కథలో ఏం జరుగుతుంతో తెలియాలంటే తరువాతి ఎపిసోడ్ వరుకు ఆగాల్సిందే..