Papaya : బొప్పాయి పండు(పొప్పడిపండు) మనకు ఎక్కడపడితే అక్కడ.. ఎప్పుడు పడితే అప్పుడు దొరుకుతుంటుంది. అందుకేనేమో ఈ పండు అంటే చాలా చులకనభావం ఉంటుంది మనకు. యాపిల్స్, దానిమ్మ, పైనాపిల్ వంటి పండ్ల కోసం చూపిన ఆసక్తిలో కొంచెం కూడా దీనిపై చూపించం. ఎందుకంటే ఇది చాలాతక్కువ ధరకు దొరుకుంది. పైగా గ్రామాల్లో అయితే దాదాపు ప్రతి ఇంటిలోనూ పండుతుంది. ఇక అత్యంత చౌకగా దొరికేవెప్పుడు మనకు చులకనగానే కనిపిస్తాయి కాబట్టి లైట్ తీసుకుంటాం. ఈ పండు తినడానికి చాలా రుచిగా ఉంటుంది. ఇక ఆరోగ్యానికి ఎంత మేలు చేస్తుందో తెలిస్తే.. అస్సలు వదిలెయ్యమన్నా వదలకుండా తినేస్తారు.
తింటూ కొవ్వును తగ్గించుకోండి అనే కొన్ని ప్రకటనలను ఇటీవలి కాలంలో చూస్తున్నాం. ఆ కోవకు చెందినదే బొప్పాయి. ఎంత తింతే అంత కొవ్వు కరుగుతుంది. దీనిలో విటమిన్ సి, యాంటీఆక్సిడెంట్లు, పీచు పదార్థాలు పుష్కలంగా ఉంటాయి. అవి కొవ్వు పేరుకు పోకుండా అడ్డుకుంటాయి. దీంతో బరువు సులభంగా తగ్గిపోవచ్చు. కేలరీలు సైతం చాలా తక్కువ. పైగా దీనిలో ఉండే విటమిన్ సి.. మనలోని రోగ నిరోధక శక్తిని బాగా పెంచుతుంది. ఈ పండులో విటమిన్ ‘ఎ’ కూడా ఉంటుంది. ఇది కళ్లకు చాలా మంచిది. మన చూపు మందగించకుండా కాపాడుతుంది. ఆసక్తికరమైన విషయం ఏంటంటే.. దీనిని మధుమేహం వ్యాధితో బాధపడేవాళ్లు కూడా నిస్సందేహంగా తినవచ్చు. డయాబెటిస్ వచ్చే అవకాశమున్న వారు ఈ పండు తింటే అది దరి చేరదు.
Papaya : చర్మం ముడతలు పడకుండా కాపాడుతుంది..
ఇక బొప్పాయి తింటే ఎముకలు బలంగా తయారవుతాయి. పైగా ఆర్థరైటిస్తో బాధపడేవారికి దివ్యౌషధం. యాంటీ ఇన్ఫ్లమేటరీగా ఇది పనిచేస్తుంది. బొప్పాయిలో పఫైన్ అనే డైజెస్టివ్ ఎంజైమ్ ఉంది. ఇది జీర్ణక్రియ సరిగ్గా జరిగేట్లు చేస్తుంది. ఇందులో ఉన్న పీచుపదార్థాల వల్ల మనం తీసుకునే ఆహారం సులభంగా అరుగుతుంది. పైగా ఆడవారికి మరింత మేలు చేస్తుంది. నెలసరి సమయంలో రక్తస్రావం సరిగా అయ్యేట్లు చేస్తుంది. బొప్పాయిలో విటమిన్ సి, బెటా కెరోటిన్ వంటి యాంటీయాక్సిడెంట్లు పుష్కలంగా ఉంటాయి. ఇవి మన చర్మాన్ని అందంగా ఆరోగ్యంగా ఉంచుతాయి. చర్మం మడతలు పడకుండా, చిన్నవయసులోనే వృద్ధాప్య ఛాయలు మనలో కనిపించకుండా కాపాడతాయి. బొప్పాయిలో పైటో న్యూట్రియంట్స్ ప్లవనాయిడ్స్ ఎక్కువగా ఉంటాయి. ఇవి మన శరీరంలోని కణాల డీఎన్ఏని పరిరక్షిస్తాయి. కేన్సర్ బారిన పడకుండా కాపాడతాయి. మరి ఇన్ని లాభాలున్న బొప్పాయిని రోజూ ఏదో ఒక సమయంలో తీసుకుని శరీరాన్ని రోగాల బారిన పడకుండా కాపాడుకోవడమే కాకుండా అందంగా ఉంచుకుందాం.