మెగా ప‌వ‌ర్‌స్టార్ రామ్ చరణ్ ఈరోజు ఉద‌యం ప‌ది గంట‌ల‌కు త‌న సోషల్ మీడియాలో ఓ అరుదైన వీడియోను షేర్ చేస్తాన‌ని మాట ఇచ్చారు. దీంతో అంద‌రూ ఆయ‌న హీరోగా నటించిన RRR లేదా ఆచార్య సినిమాకు సంబంధించిన ఏదైనా వీడియోను షేర్ చేస్తారేమోన‌ని అనుకున్నారు. కానీ ఆయ‌న షేర్ చేసిన వీడియో చూసి ఫ్యాన్స్‌, ప్రేక్ష‌కులు థ్రిల్ అయిపోతున్నారు. ఇంత‌కీ అంద‌రూ అంత‌లా థ్రిల్ అయ్యేలా రామ్ చరణ్ షేర్ చేసిన వీడియో ఏమిటో తెలుసా.. తండ్రి చిరంజీవి, బాబాయ్ ప‌వ‌న్ క‌ళ్యాణ్‌ల‌ది. అస‌లు ఏం జ‌రిగింది… వీడియో ఎందుకు షేర్ చేసారు అనే వివ‌రాల్లోకి వెళితే..
ప‌వ‌ర్ స్టార్ ప‌వ‌న్ కళ్యాణ్ హీరోగా నటించిన సినిమా భీమ్లా నాయక్. ఈ చిత్రం షూటింగ్ స‌మ‌యంలో ఆ సినిమా సెట్స్‌ను చిరంజీవి ప్ర‌త్యేకంగా విజిట్ చేశారు. అది కూడా ఆయ‌న షూటింగ్ చేస్తున్న గాడ్ ఫాదర్ సినిమా డ్రెస్‌లోనే కలవడం విశేషం. ఇంత‌కీ చిరంజీవి వేసుకున్న డ్రెస్ ఏంటో తెలుసా? ఖైదీ నెం.786 అనే నెంబర్ ఉన్న ఖైది డ్రెస్. చిరంజీవి రాక‌ను ప‌వ‌న్ కళ్యాణ్, త్రివిక్ర‌మ్ ఎంతో ఎంజాయ్ చేశారు. అలాగే త‌ర్వాత గాడ్ ఫాదర్ సెట్స్‌కి ప‌వ‌న్ కళ్యాణ్ వెళ్లారు. ఆయ‌న‌కు తోడుగా త్రివిక్ర‌మ్ కూడా వెళ్ళారు ఆ టైమ్ లో చిరంజీవి సినీ ఇండ‌స్ట్రీలోని ప్ర‌ముఖులతో మాట్లాడుతున్నారు. వారిలో విజ‌యేంద్ర ప్ర‌సాద్‌, ఆర్‌.నారాయ‌ణ‌మూర్తి పలువురు ఉన్నారు
ఇలా భీమ్లా నాయ‌క్‌ను గాడ్ ఫాదర్.. గాడ్‌ఫాద‌ర్‌ను భీమ్లా నాయక్ క‌లుసుకున్న అపూర్వ క్ష‌ణాల‌ను వీడియోలో బంధించి దాన్ని ఈరోజు సోషల్ మీడియా లో విడుద‌ల చేశారు రామ్ చరణ్. ఆ వీడియో ఇప్పుడు సోషల్ మీడియాలో తెగ హ‌ల్ చ‌ల్ చేస్తూ వైరల్ అవుతుంది. ఈ రెండు చిత్రాల్లో ముందుగా భీమ్లా నాయక్ సినిమా ఫిబ్ర‌వ‌రి 25న విడుదలకు సిద్ధంగా ఉంది. చిరంజీవి విష‌యానికి వ‌స్తే.. ఆయ‌న న‌టిస్తోన్న గాడ్ ఫాదర్ చిత్రం, మ‌లయాళ సినిమా లూసిఫ‌ర్‌ సినిమాకు రీమేక్‌. చిరు నటించిన ఆచార్య సినిమా ఏప్రిల్ 1 న విడుదలకు సిద్ధం గా ఉంది.
