Naga Chaitanya : టాలీవుడ్‌ యంగ్‌ హీరో నాగ చైతన్య సినీ ఇండస్ట్రీకి ఎంట్రీ ఇచ్చి 13 ఏళ్లు కావొస్తోంది. అప్పటి నుంచి ఎన్నో ఒడిదుడుకులతో స్టేబుల్‌గా తన నట జీవితాన్ని చై నెట్టుకొస్తున్నాడు. 2009లో ‘జోష్‌’ చిత్రంతో అక్కినేని నాగార్జున నట వారసుడిగా చై ఇండస్ట్రీకి పరిచయమయ్యాడు. ఈ సినిమా మంచి సక్సెస్ సాధించింది. ఈ సినిమాలో హీరోయిన్‌గా నటించిన ప్రముఖ నటి రాధ కూతురు కార్తీక ఆ తరువాత తెలుగులో పెద్దగా కనిపించింది లేదు కానీ చైకి మాత్రం మంచి అవకాశాలే వచ్చాయి. చై సినీ కెరీల్‌లో ఎన్నో హిట్లు, ఫట్లు ఉన్నాయి. మొత్తానికి టాలీవుడ్‌లో గుర్తింపు పొందిన ప్రముఖ హీరోల్లో ఒకడిగా చై నిలిచాడు.
ఇటీవల థ్యాంక్యూ సినిమాతో ప్రేక్షకులను పలకరించాడు. ఇక చై బాలీవుడ్ ఎంట్రీ ఇస్తున్న విషయం కూడా తెలిసిందే. బాలీవుడ్ మిస్టర్‌ పర్‌ఫెక్ట్‌ అమీర్ ఖాన్‌ ‘లాల్ సింగ్ చద్దా’ చిత్రంలో నటిస్తున్నాడు. చద్దా చడ్డీ బడ్డీ బాలాగా ఆకట్టుకోనున్నాడు. అయితే ఈ సినిమాకు నాగ చైతన్య తీసుకున్న రెమ్యునరేషన్ ప్రస్తుతం హాట్‌ టాపిక్‌గా మారింది. ఈ సినిమాకు చై ప్రస్తుతం ఒక్కో సినిమాకు సుమారు రూ. 5 నుంచి 10 కోట్లు అందుకున్నట్లు సమాచారం. ప్రముఖ ట్రేడ్‌ అనలిస్ట్‌ రమేష్ బాలా ఇటీవల ఇచ్చిన ఓ ఇంటర్వ్యూలో నాగ చైతన్య రెమ్యునరేషన్, యాడ్స్ ద్వారా వచ్చే ఆదాయం, సినీ కెరీర్‌ గురించి ఆసక్తికర విషయాలు తెలిపాడు.
Naga Chaitanya : చై మార్కెట్ పెరగడం ఖాయం
ఇందులో భాగంగానే అమీర్ ఖాన్‌ ‘లాల్ సింగ్ చద్దా’లో బాలా పాత్రకు చై సుమారు 5 కోట్లు అందుకున్నట్లు పేర్కొన్నాడు. అలాగే ఈ చిత్రం, అందులో నాగ చైతన్య నటన ఆకట్టుకుంటే అతనికి బాలీవుడ్‌లో తిరుగుండదని.. అవకాశాలు వెతుక్కుంటూ వస్తాయనడంలో సందేహం లేదు. రమేష్ బాలా కూడా ఇదే విషయాన్ని వెల్లడించారు. ఈ చిత్రంతో బాలీవుడ్‌లో ఎంట్రీ ఇస్తున్న నాగ చైతన్యకు భారీ అవకాశాలు వచ్చే సూచనలు ఉన్నాయన్నారు. ఎందుకంటే ఈ సినిమా హిందీతో పాటు తెలుగు, తమిళం భాషల్లో విడుదల కానుంది. ఈ సినిమా కచ్చితంగా విజయం సాధిస్తుందని, దీంతో అతని మార్కెట్ పెరగడం ఖాయమని వెల్లడించారు.
