సంచలనాలకు మారు పేరే రామ్ గోపాల్ వర్మ. ఆయన మాట్లాడే మాటలు, తీసే సినిమాలు అన్నింటిలో కూడా వెరైటీ ఉట్టిపడుతూ ఉంటుంది. ఏది చేసినా సరే దాంట్లో తన మార్క్ కనిపించాలని తాపత్రయ పడే వ్యక్తుల్లో వర్మ తొలి స్థానం లో ఉంటారు అని చెప్పడంలో అతిశయోక్తి లేదు. అలాంటి వివాదాస్పద దర్శకుడు గత కొన్ని సంవత్సరాలుగా డిఫరెంట్ కాన్సెప్ట్ సినిమాలతో సెన్సేషన్ క్రియేట్ చేస్తున్నారు. అందులో భాగంగా రాబోయే సినిమా పేరే ‘డేంజరస్’. రామ్ గోపాల్ వర్మ తాజాగా ఈ సినిమాకే ‘మా ఇష్టం’ అనే టైటిల్ ఫిక్స్ చేసి రిలీజ్ డేట్ అనౌన్స్ చేశారు.
నైనా గంగూలీ, అప్సర రాణి ప్రధాన పాత్రల్లో తెరకెక్కిన సినిమానే మా ఇష్టం- డేంజరస్. ఎప్పటికప్పుడు కాస్త కొత్తగా, అంతకుమించి బోల్డ్గా ఆలోచించే RGV ఈ సినిమాను రూపొందించారు. ఇండియాలో తొలి లెస్బియన్ మూవీగా ఈ సినిమా ప్రేక్షకుల ముందుకు రావడానికి సిద్ధంగా ఉంది. లింగబేధం లేని సె** తెరపై చూపించాలని డిసైడ్ అయిన ఆర్జీవీ దీనికి ‘మా ఇష్టం’ అనే టైటిల్ ను ఫిక్స్ చేశారు.
ఏప్రిల్ 8న ఈ మూవీని థియేటర్లలో రిలీజ్ చేయనున్నట్లు తాజాగా ప్రకటించారు రామ్గోపాల్ వర్మ. ఇద్దరమ్మాయిల మధ్య కలిగిన ప్రేమ ఎలాంటి పరిస్థితులకి దారి తీసింది? అనే థ్రిల్లింగ్ అంశాలతో క్రైమ్ యాక్షన్ థ్రిల్లర్గా ఈ సినిమా రూపొందించామని తెలుపుతూ కొత్త పోస్టర్ లాంచ్ చేశారు.