మెగాస్టార్ చిరంజీవి ఎంత స్పీడుగా సినిమాల‌ను పూర్తి చేస్తున్నారంటే కుర్ర హీరోలు సైతం ఆయ‌న స్పీడు ని అద్నడుకోలేకపోతున్నారు. ఇప్ప‌టికే ఆచార్య సినిమాను రిలీజ్‌కు సిద్ధం చేసిన చిరంజీవి గాడ్ ఫాద‌ర్ మూవీను పూర్తి చేసే ప‌నిలో బిజీగా ఉన్నారు. మరో వైపు మెహ‌ర్ ర‌మేష్ ద‌ర్శ‌క‌త్వంలో రూపొందుతోన్న భోళా శంక‌ర్‌, బాబి ద‌ర్శ‌క‌త్వంలో తెర‌కెక్కుతోన్న మరో సినిమా సెట్స్‌పై ఉంది. వెంకీ కుడుముల ద‌ర్శ‌క‌త్వంలో మరో సినిమా చేయాల్సి ఉంది. ఇవ‌న్నీ కాకుండా సుకుమార్ ద‌ర్శ‌క‌త్వంలో ఓ సినిమా ఉంటుంద‌నే ప్రకటన వ‌చ్చింది. దానికి తోడు చిరంజీవితో సుకుమార్ ఉన్న ఫొటో కూడా నెట్టింట చ‌క్క‌ర్లు కొట్టింది.
ఓ వైపు సుకుమార్, మరో వైపు చిరంజీవి వారి వారి ప్రాజెక్టుల‌తో ఫుల్ బిజీగా ఉన్నారు. వారి కాంబినేష‌న్‌లో సినిమా ఎప్పుడు ఉంటుందోన‌ని ఆస‌క్తి అంద‌రిలోనూ ఉంది. అయితే తాజాగా, మెగాస్టార్ చిరంజీవి – సుకుమార్ కాంబో విష‌యంలో ఓ ఆస‌క్తిక‌ర‌మైన విష‌యం బయట పడింది. అదేంటంటే.. చిరంజీవిని సుకుమార్ డైరెక్ట్ చేస్తున్న మాట నిజ‌మే కానీ ….అది సినిమా కాద‌ట. క‌మ‌ర్షియ‌ల్ యాడ్ అని విశ్వ‌స‌నీయ వ‌ర్గాల నుండి వచ్చిన స‌మాచారం. అది కాస్త బ‌య‌ట‌కు సినిమా చేయ‌బోతున్నారంటూ వార్త‌లు వచ్చాయి. కానీ దీనికి సంబంధించిన ఎలాంటి క్లారిటీ సుకుమార్ సైడ్ నుంచి రాలేదు. చిరంజీవితో చేసే క‌మ‌ర్షియ‌ల్ యాడ్ విష‌యంలో సుక్కు సోష‌ల్ మీడియాను ప‌క్క దారి ప‌ట్టించార‌నే వార్త‌లు సినీ స‌ర్కిల్స్‌లో వస్తున్నాయి.
ఇక చిరంజీవి విష‌యానికి వ‌స్తే.. వ‌రుస సినిమాల‌తో ఫుల్ బిజీగా ఉన్నారు. వీటిలో క‌నీసం ఒక‌టో రెండో సినిమాలు పూర్తి అయితే కానీ.. నెక్ట్స్ ఏంటి అనేది ప్లాన్ చేయ‌లేరు. అయినా ఇప్ప‌టికే వెంకీ కుడుముల లైన్‌లో ఉండ‌నే ఉన్నారు. ఇక సుకుమార్ అయితే పుష్ప సినిమాకు సీక్వెన్స్‌గా రూపొంద‌నున్న పుష్ప ది రూల్ సినిమాను సెట్స్ పైకి తీసుకెళ్ల‌డానికి సిద్ధంగా ఉన్నారు. ఈ గ్యాప్‌లో చిరంజీవి న‌టించ‌నున్న రియ‌ల్ ఎస్టేట్ క‌మ‌ర్షియ‌ల్ యాడ్‌ను సుకుమార్ డైరెక్ట్ చేయ‌బోతున్నార‌ట.
