నితిన్ ప్రస్తుతం సినిమా షూటింగ్లకు కాస్త గ్యాప్ ఇచ్చినట్టున్నాడు. భార్యతో కలిసి జాలీగా గడిపేందుకు సమయం కేటాయించినట్టున్నాడు. ప్రస్తుతం నితిన్ తన భార్య షాలినీతో కలిసి ట్రిప్కు వెళ్లాడు. ఈ ఇద్దరూ బార్సిలోనాలో ఉన్నారు. షాలినీ తన ఇన్ స్టాగ్రాంలోని స్టోరీలో బార్సిలోనాలో ఉన్నట్టుగా చెప్పుకొచ్చింది.
నితిన్ ప్రస్తుతం దారుణమైన ఫ్లాపులో ఉన్నాడు. మాచర్ల నియోజకవర్గం అనే సినిమాతో ఫ్లాపును మూట గట్టుకున్నాడు. కానీ ఆ భీష్మతో బీ, సీ సెంటర్ ప్రేక్షకులను నవ్వించి హిట్టును మళ్లీ నిలుపుకోలేకపోయాడు. మాచర్ల సినిమా దారుణంగా డిజాస్టర్ అయింది.
![స్పెయిన్లో భార్యతో కలిసి వెకేషన్ ఎంజాయ్ చేస్తున్న నితిన్… 2 స్పెయిన్లో భార్యతో కలిసి వెకేషన్ ఎంజాయ్ చేస్తున్న నితిన్…](https://rtvmedia.in/wp-content/uploads/2023/07/Untitled-design-2023-07-24T175402.919.jpg)
ఇప్పుడు నితిన్ మరో ప్రయోగం చేస్తున్నాడు. వక్కంతం వంశీతో సినిమా చేస్తున్నాడు. తాజాగా ఈ మూవీకి సంబంధించిన టైటిల్ అనౌన్స్మెంట్ వచ్చింది. ఎక్స్ట్రా ఆర్డినరీ మ్యాన్ అంటూ నితిన్ను కొత్త అవతారంలో చూపించేశాడు వంశీ. అయితే ఈ సినిమా మీద ఇప్పుడు అంచనాలు పెరిగాయి. ఇందులో శ్రీలీల హీరోయిన్గా నటిస్తోంది. ఈ సినిమా ప్రమోషన్స్ వచ్చే నెల నుంచి ప్రారంభం కాబోతోన్నాయి.
నితిన్ భీష్మ కాంబోను రిపీట్ చేస్తున్నాడు. వెంకీ కుడుముల దర్శకత్వం లో నితిన్, రష్మిక కలిసి చేసిన భీష్మ మంచి హిట్ అయింది. ఆ తరువాత చిరంజీవికి కథ చెప్పే ప్రయత్నం చేశాడు వెంకీ. కానీ అది కార్యరూపం దాల్చలేదు. దీంతో మళ్లీ నితిన్ వద్దకు వచ్చి ప్రాజెక్ట్ సెట్ చేసుకున్నాడు. అయితే ఈ సినిమా నుంచి రష్మిక తప్పుకుందని, ఆ స్థానంలో శ్రీలీల వచ్చిందనే టాక్ ఎక్కువగా చక్కర్లు కొడుతోంది. మరి ఈ విషయం మీద టీం మాత్రం ఇంత వరకు స్పందించలేదు. ఇక నితిన్ తన వెకేషన్ను పూర్తి చేసుకుని వచ్చాక ఈ రెండు సినిమాల షూటింగ్లతోనే బిజీ కానున్నాడు.