RRR: ఆర్ఆర్ఆర్ సినిమాలో నాటు నాటు పాటకి బెస్ట్ ఒరిజినల్ సాంగ్ విభాగంలో ఆస్కార్ అవార్డు వచ్చిన సంగతి తెలిసిందే. ఆస్కార్ అవార్డు ద్వారా చరిత్రలో తెలుగు సినిమా అరుదైన రికార్డ్ ని క్రియేట్ చేసింది. ఇండియా నుంచి మొట్టమొదటి సారిగా బెస్ట్ ఒరిజినల్ సాంగ్ కేటగిరీలో అవార్డు అందుకోవడం ద్వారా తెలుగు సినిమా సత్తాని నిరూపించింది. అయితే ఆస్కార్ నామినేషన్స్ కి ఇండియా నుంచి అధికారిక ఎంట్రీగా పంపించాలని రాజమౌళి భావించారు. ఈ నేపధ్యంలో నామినేషన్స్ కి కూడా పంపించారు. అయితే ఫిల్మ్ ఫెడరేషన్ ఆఫ్ ఇండియా ఆర్ఆర్ఆర్ ని తిరస్కరించింది. కమర్షియల్ సినిమాకి ఆస్కార్ వెళ్ళే అర్హత ఉండదు అనే కారణం చూపించి ఒక ఆర్ట్ సినిమాని ఆస్కార్ నామినేషన్లుకి పంపించింది.
అయితే రాజమౌళి మాత్రం పట్టువిడవకుండా ఇండిపెండెంట్ కేటగిరీలో ఆర్ఆర్ఆర్ సినిమాని ఆస్కార్ నామినేషన్లుకి పంపించారు. ఇక ఈ కేటగిరీలో ఆస్కార్ ఎంట్రీ లభించాలంటే గ్లోబల్ లెవల్ లో గుర్తింపు రావాలని భావించిన జక్కన్న ఆ దిశగా స్ట్రాంగ్ ప్రమోషన్ చేశారు. పలు అంతర్జాతీయ ఫిల్మ్ ఫెస్టివల్ లో పాల్గొనడమే కాకుండా అవార్డుల పోటీలలో కూడా ఆర్ఆర్ఆర్ ని నామినేషన్స్ కి పంపించారు. దీంతో ఈ మూవీ అంతర్జాతీయ అవార్డులని గెలుచుకోవడం ద్వారా హాలీవ డ్ ప్రముఖుల దృష్టిని ఆర్ఆర్ఆర్ఆకర్షించింది. దీంతో ఈ సినిమాకి వారి నుంచి కూడా ప్రశంసలు లభించాయి. ఇక వెనక్కి తిరిగి చూసుకునే అవకాశం లేకుండా చేసాయి.
గోల్డెన్ గ్లోబ్ అవార్డుని సైతం నాటు నాటు సాంగ్ అందుకుంది. దీంతో కచ్చితంగా ఆ పాటకి ఆస్కార్ అవార్డు కూడా వస్తుందని అందరూ భావించారు. అయితే నామినేషన్ల కోసం 14 కేటగిరీలలో ఆర్ఆర్ఆర్ వెళ్ళింది. అయితే బెస్ట్ ఒరిజినల్ సాంగ్ కేటగిరీలో మాత్రమే ఎంట్రీ లభించింది. ఇక ఫైనల్ గా ఆస్కార్ అవార్డుని ఈ మూవీ సొంతం చేసుకుంది. స్టేజ్ మీదకి వెళ్లి ఎంఎం కీరవాణి, చంద్రబోస్ అవార్డులని అందుకున్నారు. మొత్తానికి ఇండియాలో ఫిల్మ్ ఫెడరేషన్ తిరస్కరణ నుంచి ఆస్కార్ గెలుచుకునే వరకు ఆర్ఆర్ఆర్ సినిమా జర్నీ రాజమౌళి ప్రయాణం సాగింది అని చెప్పాలి. కచ్చితంగా ఇది ప్రతి ఒక్కరికి స్పూర్తినిచ్చే కథ అని చెప్పొచ్చు.