Namrata Shirodkar : నమ్రతా శిరోద్కర్ మిస్ యూనివర్స్ 1993లో భారతదేశానికి ప్రాతినిధ్యం వహించింది. తెలుగు సినీ ఇండస్ట్రీలో సూపర్ స్టార్‌ అయిన అమ్మాయిల క్రేజీ హీరో మహేష్ బాబును ప్రేమించి వివాహం చేసుకున్న మాజీ మోడల్, నటి పాత వీడియో రెడ్డిట్ , ఇన్‌స్టాగ్రామ్ వంటి సోషల్ మీడియా ప్లాట్‌ఫారమ్‌లలో హల్ చల్ చేస్తోంది. క్లిప్‌లో, బంగారు వర్ణంలో ఉన్న గౌను ధరించి బరువైన చెవిపోగులను అలంకరించుకున్న నమ్రతా శిరోద్కర్ అందాల పోటీలో ప్రశ్నల రౌండ్‌లో కనిపించే వీడియో ఇది. నమ్రతను జడ్జ్ అడిగిన ప్రశ్నకు సరైన సమాధానం ఇవ్వలేదని అందుకే ఆమె మిస్ యూనివర్స్‌ను మిస్ అయ్యిందని ఈ వీడియో చూసిన నెటిజన్లు కామెంట్ బాక్స్‌లో తమ అభిప్రాయాలను వ్యక్తం చేస్తున్నారు. ప్రస్తుతం ఇదే అంశం నెట్టింట్లో హాట్ టాపిక్ అయ్యింది.
నమత్రతను జడ్జ్ మీరు శాశ్వతంగా జీవించాలనుకుంటున్నారా అని అడిగారు, దానికి ఆమె ‘ఎవరూ శాశ్వతంగా జీవించలేరని నమ్ముతున్నందున ఆమె శాశ్వతంగా జీవించాలని కోరుకోవడం లేదని సమాధానం ఇచ్చింది. ఆమె సమాధానం న్యాయనిర్ణేతలను ఆకట్టుకోలేకపోయింది, అందుకే ఆమె మిస్ యూనివర్స్ 1993లో ఆరో స్థానంలో నిలిచింది. ఆమె పాత వీడియోను రెడ్డిట్‌లో ట్రెండింగ్‌లో ఉండటంతో నమ్రత సమాధానం ప్రజలను కూడా ఆకట్టుకోలేదని, అందుకే ఆమె టైటిట్‌ను గెలుచుకోలేకపోయిందని అన్నారు. మిస్ యూనివర్స్ కిరీటాన్ని గెలుచుకోవడంపై ఆమె అడిగిన ‘ఊహాత్మక’ ప్రశ్నకు ఆమె ‘మూగ’ ప్రతిస్పందన కారణంగానే ఆమె ఓడిపోయిందన్నారు.
కొంతమంది నెటిజన్లు ఈ ప్రశ్న తప్పించుకోవడానికి ఆమె వయస్సు ఒక సాకు కాదని అన్నారు. ఆమె వయస్సుతో సమానమైన స్త్రీలు కూడా ఈ కాంపిటీషన్‌లో ఉన్నారని వారు వారు అందమైన సమాధానాలు ఇచ్చారన్నారు. బహుశా లేదు నేను శాశ్వతంగా జీవించడానికి ఇష్టపడను అని ఆమె సమాధానం ఇచ్చి ఉంటె బాగుండేది అని అంటున్నారు.
బాలీవుడ్ ఇండస్ట్రీని వీడే ముందు, నమ్రత కచ్చే ధాగే, వాస్తవ్: ది రియాలిటీ, పుకార్, దిల్ విల్ ప్యార్ వ్యార్ , బ్రైడ్ అండ్ ప్రిజుడీస్ వంటి అనేక చిత్రాలలో నటించింది. నమ్రత తెలుగులోనూ మంచి సినిమాల్లో నటించింది. ఆ తరువాత 2005లో మహేష్ బాబును ప్రేమించి వివాహం చేసుకుంది ఆ తర్వాత ఆమె తన కెరీర్‌ను విడిచిపెట్టింది.
