Srihan Siri: తెలుగు బిగ్ బాస్ సీజన్ 6 ఆసక్తికరంగా సాగుతోంది. షోను రక్తి కట్టించేందుకు బిగ్బాస్ శత విధాలా ప్రయత్నాలు చేస్తున్నాడు. ఈ క్రమంలో హౌస్మేట్స్లో ఉన్న ట్యాలెంట్ను బయటకు లాగడానికి అనేక టాస్కులు ఇస్తున్నాడు. వాటిలో పర్ఫార్మెన్స్ ఇరగదీస్తున్న వారిని ఓ కంట కనిపెడుతున్నాడు. ఇక ఏ రకంగానూ కాంట్రవర్సీ, మసాలా లేని కంటెస్టెంట్లన ఎలిమినేషన్ చేసేస్తున్నాడు బిగ్ బాస్.
ప్రస్తుతం ఫ్యామిలీ ఎపిసోడ్తో ప్రేక్షకులను బిగ్ బాస్ భావోద్వేగానికి గురి చేయాలని ప్లాన్ చేసినట్టున్నాడు. ఇప్పటికే హౌస్లోకి ఆదిరెడ్డి, ఫైమా, రాజ్, శ్రీసత్య ఫ్యామిలీ మెంబర్స్ ఎంట్రీ ఇచ్చి సందడి చేశారు. తాజాగా హౌస్లోకి ఒక ప్రత్యేకమైన వ్యక్తి వచ్చి చేరారు. ఆమె బిగ్ బాస్ ఫ్యామిలీ మెంబర్ కూడా. శ్రీహాన్ ప్రేయసి సిరి హన్మంత్ బిగ్ బాస్ హౌస్లోకి అడుగు పెట్టింది.
ఇలాంటి వారి కోసం ప్రేక్షకులు కాస్త ఆసక్తిగా ఎదురు చూస్తూ ఉంటారు. హౌస్లోకి వచ్చిన తర్వాత కంటెస్టెంట్కు చాలా రోజుల తర్వాత తన కుటుంబ సభ్యులు ఎదురు పడితే ఆ ఎమోషన్ వేరే లెవల్లో ఉంటుంది. దాన్ని మరింత రక్తి కట్టించి కాస్త బ్యాగ్రౌండ్ మ్యూజిక్, ఎమోషనల్ టచ్ ఇచ్చి మరింత ఆసక్తికరంగా పెంచేందుకు బిగ్ బాస్ రకరకాల ప్రయోగాలు చేస్తున్నాడు.
Srihan Siri:
ఇక సిరి వచ్చీ రాగానే శ్రీహాన్ను గట్టిగా హగ్ చేసుకుంటుంది. హగ్ చేసుకుని ముద్దు కూడా పెట్టుకుంటుంది. ఇక తర్వాత హౌస్ మేట్స్ అందరూ సిరితో కబుర్లు చెబుతారు. ఒక్కొక్కరి గురించి సిరి చెబుతుంది. వాళ్లు గతంలో చెప్పిన మాటలకు శ్రీహాన్ తరఫున సిరి కౌంటర్లు ఇచ్చింది. సిరి హన్మంత్ తన ప్రియుడు శ్రీహాన్ పేరుని వెనుక మెడ మీద టాటూ వేయించుకుంది. లోపలికి వచ్చిన తర్వాత కళ్లు మూసుకో అని చెప్పి అతనికి ఆ టాటూ చూపిస్తుంది. దీన్ని చూసి శ్రీహాన్ ఎమోషనల్ అవుతాడు. ఆమెను గట్టిగా హగ్ చేసుకుంటాడు.