Varun Tej: మెగా కాంపౌండ్ హీరో మెగా ప్రిన్స్ వరుణ్ తేజ్ సక్సెస్ ఫుల్ కెరియర్ తో దూసుకుపోతున్న సంగతి తెలిసిందే. అన్ని రకాల పాత్రలు చేస్తూ అన్ని వర్గాల ప్రేక్షకులను అలరిస్తూ ఉన్నాడు. ప్రేమ కథలతో పాటు మాస్ సినిమాలు ఇంకా కుటుంబ కథా చిత్రాలకు కూడా పెద్దపీట వేస్తూ వరుణ్ తేజ్ తన నటనతో ఎంతగానో ఆకట్టుకుంటూ ఉన్నాడు. అంతేకాదు సీనియర్ హీరోలు అయినా వెంకటేష్ తో కలిసి కూడా సినిమా చేసి… అందరితో చాలా ఫ్రెండ్లీ నేచర్ తో రాణిస్తున్నాడు. ప్రస్తుతం శక్తి ప్రతాప్ సింగ్ దర్శకత్వంలో విమానం నడిపే పైలెట్ గా ఓ సినిమా చేస్తూ ఉన్నారు. ఈ సినిమాతో బాలీవుడ్ లోకి ఎంట్రీ ఇస్తున్నాడు.
ఈ సందర్భంగా ఓ ప్రముఖ మీడియాతో మాట్లాడిన వరుణ్ తేజ్… తన హిట్ సినిమాల కంటే ఫ్లాప్ సినిమాల తోనే ఎక్కువగా నేర్చుకున్నట్లు సంచలన వ్యాఖ్యలు చేశారు. ప్రేక్షకులను ఎప్పుడు గమనిస్తూ ఉంటాను. ప్రస్తుతం చేస్తున్న సినిమాలో ఇండియన్ ఎయిర్ ఫోర్స్ ఆఫీసర్ గా నటిస్తున్నాను. ఈ సినిమాలో పాత్ర కోసం గతంలో ఎన్నడూ లేనంతగా కష్టపడుతున్నాను. మనకోసం సాయుధబలగాలు ఏ రీతిగా నిస్వార్ధంగా పనిచేస్తాయో సినిమాలో చూపించబోతున్నాం. అటువంటి ఈ సినిమాతో బాలీవుడ్ లోకి అడుగుపెట్టడం ఎంతో సంతోషం కలిగిస్తుందో అదే రీతిలో భయం కూడా ఉందని చెప్పుకొచ్చారు. భాషతో సంబంధం లేకుండా ప్రేక్షకులను సినిమా ధియేటర్లకు తీసుకురాగలగాలి.
ఈ సినిమా కోసం చాలామంది పైలెట్లను కలవడం జరిగింది. వాళ్ల దగ్గర నుంచి అనేక విషయాలు నేర్చుకున్నాను. RRR, బ్రహ్మాస్త్ర ప్రేక్షకదరణ పొందాయి. భాషతో సంబంధం లేకుండా అన్ని వర్గాల ప్రేక్షకులను అలరించాయి. అదేవిధంగా నేను చేసే ప్రతి సినిమాకి చాలా కష్టపడి పని చేస్తాను. “గనీ” సినిమా కోసం ఎంతో కష్టపడ్డా. కానీ ఫలితం నిరాశపరిచిన గాని దానికోసం పడిన కష్టం శిక్షణ ఎప్పటికీ మరిచిపోను. సో నేను విజయాల కంటే ఫ్లాప్ లతో ఎక్కువ నేర్చుకున్నాను అంటూ తన సినిమాల విషయంలో వరుణ్ తేజ్ ఇంట్రెస్టింగ్ కామెంట్స్ చేశారు.