Anti Diabetic Veggie: ఉరుకుల పరుగుల ఈ జీవితంలో భోజనం చేయడానికి కూడా ఎవరికీ టైమ్ ఉండట్లేదు. ఇంటి భోజనాన్ని పక్కనపెట్టి.. ఏ స్విగ్గీలోనో, జొమాటోలోనో ఆర్డర్ పెట్టేయడం అందరకీ అలవాటైపోయింది. రోడ్డు మీద ఎక్కడపడితే అక్కడ తినేయడం సర్వసాధారణమైపోయింది. అయితే జంక్ ఫుడ్, ఫాస్ట్ ఫుడ్ ఆరోగ్యానికి ఎంత హానికరమనేది మాత్రం ఎవ్వరూ అర్థం చేసుకోలేకపోతున్నారు. ఆరోగ్యంగా ఉండాలంటే కూరగాయలను ఆహారంలో భాగం చేసుకోవాలి. కూరగాయలు, పండ్లు నిత్యం తీసుకునే వారిలో రక్తపోటు, రక్తంలో చక్కెర స్థాయి హెచ్చుతగ్గులకు గురయ్యే ప్రమాదం చాలా తక్కువగా ఉంటుందని నిపుణులు అంటున్నారు.
ఆహారంలో ముఖ్యంగా క్యాబేజీ లాంటి కాయగూరలకు ఎక్కువ ప్రాధాన్యత ఇచ్చేవారికి షుగర్ రాదట. కానీ చాలామంది ఈ క్యాబేజీని తినడానికి అస్సలు ఇష్టపడరు. అయితే షుగర్ వ్యాధితో బాధపడుతున్నవారు ఎట్టిపరిస్థితుల్లో క్యాబేజీని మిస్ చేసుకోకూడదని డాక్టర్స్ సూచిస్తున్నారు. ఎందుకంటే క్యాబేజిని తరచుగా తీసుకున్నట్లయితే మధుమేహాన్ని చాలా మేర అదుపులో ఉంచుకోవచ్చట. హెల్త్ ఎక్స్ పర్ట్స్ అభిప్రాయం ప్రకారం.. క్యాబేజీని తినే వారు మధుమేహానికి మందులు కూడా తీసుకోవాల్సిన అవసరం లేదు. బ్లడ్ షుగర్ లెవెల్ ను అద్భుతంగా నియంత్రణలోకి తెచ్చే శక్తి క్యాబేజీకి ఉందని చెబుతున్నారు.
ఆ శక్తి క్యాబేజీకే ఉంది
ప్రతి కూరగాయకు దానికంటూ ఓ సొంత ఔషధ గుణం ఉంటుంది. క్యాబేజీకి రక్తంలో చక్కెరను నియంత్రించే సామర్థ్యాన్ని ఉంటుంది. ఇందులో ఉండే యాంటీ-ఆక్సిడెంట్లు మధుమేహాన్ని నియంత్రించడంలో తోడ్పడతాయి. అందుకే క్యాబేజీని షుగర్ ను కంట్రోల్ చేసే కూరగాయ అని అంటారు.
బరువునూ నియంత్రిస్తుంది!
క్యాబేజీ తినడం వల్ల శరీర బరువును అదుపులో ఉంచుకోవచ్చు. ఇందులో క్యాలరీలు తక్కువగానూ, ఫైబర్ ఎక్కువగా ఉంటుంది. క్యాబేజీలో చాలా తక్కువ గ్లూకోజ్ ఇండెక్స్ ఉంటుంది. కాబట్టి ఇది మీ మధుమేహాన్ని నియంత్రించడంలో ఎంతగానో దోహదపడుతుంది. రక్తంలో గ్లూకోజ్ స్థాయిలు పెరగడానికి కార్బోహైడ్రేట్ ఎంత ముఖ్యమో ఇది మనకు చెబుతుంది.
Anti Diabetic Veggie: క్యాబేజీని ఎలా తినాలి?
క్యాబేజీని మీ ఆహారంలో ఏ రూపంలోనైనా చేర్చుకోవచ్చు. దీన్ని వారంలో మూడ్నాలుగు సార్లు తీసుకోవచ్చు. క్యాబేజీని పప్పుతో కలిపి వండుకోవచ్చు. కావాలంటే వారానికోసారి క్యాబేజీ జ్యూస్ తయారు చేసుకుని తాగవచ్చు. అంతేకాదు సలాడ్ లో కూడా క్యాబేజీని చేర్చుకోవచ్చు. మరి, ఇంకెందుకు ఆలస్యం.. క్యాబేజీని మీ ఆహారంలో చేర్చుకోవడం మొదలుపెట్టండి.