Bandla Ganesh: జనసేన అధినేత పవన్ కళ్యాణ్ ఏపీ రాజకీయాలలో చురుకుగా దూసుకెళ్తున్నారు. తన రాజకీయ వ్యూహాలతో రాబోయే ఎన్నికలలో ఎలా అయిన గెలిచి అధికారంలోకి రావాలని భావిస్తున్నారు. ఇక జన సైనికులు సైతం పవన్ కళ్యాణ్ ని ముఖ్యమంత్రిగా చూడాలని అనుకుంటున్నారు. అయితే పవన్ కళ్యాణ్ వ్యూహాలతో వారంతా ముందుకి వెళ్తున్నారు. ఇక జనసేన పార్టీ ప్రభావం లేకుండా చేయాలని అధికార పార్టీ భావిస్తుంది. ఇక ప్రతిపక్ష టీడీపీ పార్టీ అయితే జనసేనతో పొత్తు పెట్టుకొని అధికారంలోకి రావాలని భావిస్తున్నారు. ఇక బీజేపీ కూడా జనసేనతో కలిసి మూడో ప్రత్యామ్నాయ శక్తిగా మారాలని కలలు కంటున్నారు. ఎవరి అంచనాలు వారికి పవన్ కళ్యాణ్ ఇస్తున్నారు.
అయితే జనసేనాని వ్యూహం ఏంటి అనేది ఎవరికి అర్ధం కాని ప్రశ్నగా ఉంది. ఇదిలా ఉంటే పవన్ కళ్యాణ్ ప్రస్తుతం ఓ వైపు సినిమాలు చేస్తూ మరో వైపు రాజకీయాలు చేస్తున్నారు. తాజాగా అన్ స్టాపబుల్ సీజన్ 2 బాలకృష్ణ టాక్ షోలో పవన్ కళ్యాణ్ పాల్గొన్నారు. ఇక ఈ షో సందర్భంగా చాలా ఆసక్తికరమైన విషయలాని పవన్ కళ్యాణ్ పంచుకున్నారు. ఇక ఓ అభిమాని పవన్ కళ్యాణ్ టాక్ షోని బండ్ల గణేష్ కి ట్యాగ్ చేసి పవర్ స్టార్ తో నెక్స్ట్ సినిమా ఎప్పుడు తీస్తున్నారో చెప్పాలని అడిగాడు. దానికి బండ్ల గణేష్ పవన్ కళ్యాణ్ తో ఇక నో సినిమా అని పవర్ స్టార్ ఏపీకి కాబోయే సీఎం అని పేర్కొన్నారు.
ఈ డైలాగ్ తో జనసైనికులకి బండ్ల గణేష్ సంతోషకరమైన న్యూస్ ఇచ్చాడు. అయితే పవన్ కళ్యాణ్ ని దగ్గర నుంచి చూసి భాగా తెలిసిన వ్యక్తిగా బండ్ల గణేష్ ఈ వ్యాఖ్యలు చేయడంతో కచ్చితంగా తమ నాయకుడు ముఖ్యమంత్రి కావడం పక్కా అని జనసైనికులు కూడా బలంగా నమ్ముతున్నారు. అయితే పవన్ కళ్యాణ్ ఇమేజ్ ని డ్యామేజ్ చేయడం కోసం కొంత మంది రాజకీయ విశ్లేషకులు వ్యూహాత్మకంగా అతని మీద దాడి చేస్తూ ప్రజలలోకి తక్కువ భావనని తీసుకెళ్తున్నారు. మరి ఈ నేపధ్యంలో జనసైనికులు ఆశిస్తున్నట్లుగా వచ్చే ఎన్నికలలో పవన్ కళ్యాణ్ ముఖ్యమంత్రి అవుతాడా లేదంటే ప్రభుత్వంలో భాగం అవుతాడా అనేది వేచి చూడాలి.
