Health Benifits: కొత్తిమీరను వంటల్లో వాడుతుంటాం. కొత్తి మీర అంటే కేవలం రుచి, వాసన పెంచడానికి ఉపయోగిస్తారు. కానీ తినేటప్పుడు కొత్తిమీర వస్తే చాలామంది తీసి పక్కనబెడుతుంటారు. కానీ కొత్తిమీర వల్ల శరీరానికి ఉపయోగపడే ఎన్నో పోషకాలు ఉన్నాయి. ఎన్నో అనారోగ్య సమస్యలను కొత్తిమీర శరీరానికి అనేక విధాలుగా మేలు చేస్తుంది. కొత్తిమీర తినడం ద్వారా నయం చేసుకోవచ్చని పలు అధ్యయనాలు కూడా నిరూపించాయి.
కొత్తిమీరలో విటమిన్ ఏ పుష్కలంగా దొరుకుతుంది. అందువల్ల కొత్తిమీరలోని ఆకులు కంటి చూపును మెరుగుపరుస్తాయి. అంతేకాకుండా కంటినొప్పి సమస్యను కూడా కొత్తిమీర దూరం చేస్తుంది. కొత్తిమీరలో యాంటీ ఆక్సిడెంట్లు పుష్కలంగా ఉంటాయి. ఇవి మన శరీరంలోని హానికరమైన ఫ్రీ రాడికల్స్ను నాశనం చేయడంలో సహాయపడతాయి. యాంటీ ఆక్సిడెంట్లు అధికంగా ఉండే ఆహారాన్ని తీసుకోవడం వల్ల గుండె జబ్బులు, క్యాన్సర్, ఆర్థరైటిస్, స్ట్రోక్, శ్వాసకోశవ్యాధులు, బలహీనమైన రోగనిరోధకశక్తి, పార్కిన్సన్స్ వ్యాధి వచ్చే ప్రమాదం తక్కువగా ఉంటుంది.
ఒత్తిడిని కలిగించే నాడీ వ్యవస్థకు సంబంధించిన సమస్యలను కొత్తిమీర తొలగిస్తుంది. అంతేకాకుండా నిద్రలేమి సమస్యను కొత్తిమీర దూరం చేస్తుంది. అటు కొత్తిమీరలో ఉండే ఔషధగుణాలు, విటమిన్లు ఏ, సి, కెతోపాటు అనేక పోషకాలు, యాంటీ ఆక్సిడెంట్ లక్షణాలు షుగర్, రక్తపోటు, కొలెస్ట్రాల్ వంటి సాధారణ వ్యాధులు శరీరంలో అభివృద్ధి కాకుండా అడ్డుపడతాయి. కొత్తిమీర ఆకులను రెగ్యులర్గా తీసుకోవడం వల్ల ఇన్సులిన్ పరిమాణం అదుపులో ఉంటుంది. కొత్తిమీరలోని ఆకులు రక్తంలోని చక్కెర శాతాన్ని తగ్గిస్తాయి.
Health Benifits: రోగనిరోధక శక్తి పెరగాలంటే..?
కొత్తిమీర ఆకుల్లో విటమిన్ సి ఉంటుంది. ఈ విటమిన్ శరీరంలో వ్యాధి నిరోధకతను పెంచడానికి సహాయపడుతాయి. కాబట్టి కొత్తిమీర ఆకులను క్రమం తప్పకుండా తినాలి. ఫలితంగా శరీరం వివిధ వైరస్లు, వ్యాధులతో పోరాడటానికి సహాయం చేస్తుంది. కొత్తిమీర ఆకులను ఆహారంలో చేరిస్తే.. జీర్ణశక్తి మెరుగుపడుతుంది. ఇది గ్యాస్, మలబద్ధకం, అజీర్ణం వంటి సమస్యల నుంచి ఉపశమనం కలిగిస్తుంది.