Health Tips: చాలామంది రోజుకు రెండుసార్లు స్నానం చేస్తారు. నూటికి 90 శాతం మంది ఉదయాన్నే స్నానం చేస్తారు. వారి వారి పనులు చేసుకోవాలి కాబట్టి స్నానం చేసి ఆఫీసులకు, షాపులకు వెళ్తుంటారు. కొందరు ఉదయాన్నే టిఫిన్ చేసిన వెంటనే స్నానం చేస్తారు. అయితే తిన్న తర్వాత స్నానం చేస్తే రకరకాల అనారోగ్య సమస్యలను ఎదుర్కోవాల్సి ఉంటుందని వైద్యులు హెచ్చరిస్తున్నారు. ఎందుకంటే తిన్న తరువాత స్నానం చేయడం వల్ల అజీర్తి, జీర్ణక్రియ సమస్యలు వస్తాయని చెప్తున్నారు. అంతేకాకుండా ఎసిడిటీ, మలబద్ధకం లాంటి సమస్యలు కూడా దరిచేరే అవకాశముందట.
తిన్నఆహారం జీర్ణం కావడానికి అది ప్రధానంగా జీర్ణకోశానికి వెళ్లాలి. అక్కడి నుంచి పొట్ట, ప్రేగులకు వెళ్తుంది. మన పొట్టలో ఆహారాన్ని నిల్వ ఉంచుకుని స్నానం చేస్తే.. ఆ నీళ్ల వల్ల మన శరీరం మొత్తం తడుస్తుంది. అలా శరీరం మొత్తం తడవడం వల్ల శరీరం చల్లబడుతుంది. ఈ ప్రభావం జీర్ణ వ్యవస్థపై పడుతుంది. ఇలా చేయడం వల్ల శరీరంలో అరుగుదల మందగిస్తుంది. తద్వారా అనారోగ్య సమస్యలు వచ్చే అవకాశముంది.
అందువల్ల ఉదయం టిఫిన్ తిన్న తర్వాత లేదా రాత్రి డిన్నర్ చేసిన తర్వాత మీకు స్నానం చేసే అలవాటు ఉంటే వెంటనే మానుకోండి. ఒకవేళ తిన్న గంట సమయం తర్వాత స్నానం చేసినా బరువు పెరిగే అవకాశాలు ఎక్కువగా ఉంటాయని వైద్యులు చెప్తున్నారు. కాబట్టి స్నానం చేయాలనుకుంటే తినకముందే స్నానం చేయడం మంచిది.
Health Tips: తిన్న తర్వాత స్నానం కోసం ఎంత సమయం ఆగాలి?
ప్రతి ఇంట్లో పెద్దలు స్నానం చేసిన తర్వాతే తినాలని సూచిస్తుంటారు. తిన్న తర్వాత జీర్ణవ్యవస్థ పనిచేయడం ఆరంభిస్తుంది. కాబట్టి భోజనం చేసిన తర్వాత కనీసం 2,3 గంటలు ఆగిన తరువాత స్నానం చేయడం మంచిదని నిపుణులు కూడా చెబుతున్నారు. ఒకవేళ స్నానం చేసిన తర్వాత భోజనం చేసినట్లయితే.. ఆయిల్ ఫుడ్స్ ఎక్కువగా తీసుకోరాదు. కాబట్టి ప్రతి ఒక్కరూ ఈ విషయాన్ని గుర్తుంచుకోవాలి.