Health Tips: బిజీ లైఫ్ లో ఆహారపు అలవాట్లు మారిపోవడం, ఎప్పుడు పడితే అప్పుడు తినడం వల్ల ఆరోగ్యం పాడు చేసుకుంటున్నారు. ఆయిల్, జంక్ ఫుడ్ తినడం వల్ల యుక్త వయస్సుల్లోనే వృద్ధాప్య ఛాయలు వస్తోన్నాయి. 30 ఏళ్లలోనే ముసలివాళ్లలా కనిపిస్తున్నారు. కొన్ని పదార్థాలు తినడం వల్ల యుక్త యవస్సుల్లోనే ముసలివాళ్లలా తయారవుతారని చెబుతున్నారు. వీటికి దూరంగా ఉండటం వల్ల వయస్సును కాపాడుకోవచ్చని, ఫిట్ గా కనపడటంతో పాటు యంగ్ గా కనిపించవచ్చని చెబుతున్నారు.
ఆలూ చిప్స్, ఫ్రెంచ్ ప్రైస్ లాంటి వాటికి దూరంగా ఉండాలని చెబుతున్నారు. వాటిల్లో అధికంగా ఉప్పు వాడతారు. నూనెలో ఎక్కువసేపు వేయిస్తారు. దీంతో వాటిని తినడం వల్ల ముసలితనం వేగంగా వస్తోందని చెబుతున్నారు. ఇక తరచూ కాఫీ, కూల్ డ్రింక్ లు తాగడం మానుకోవాలని, వీటిల్లో కేఫైన్ ఎక్కువగా ఉంటుందని, వాటి వల్ల వృద్దాప్య ఛాయలు త్వరగా వస్తాయని చెబుతున్నారు. కేఫైన్ నిద్రను దూరం చేస్తోందని, నిద్రలేమి సమస్యలను ఎదుర్కొంటారని వైద్య నిపుణులు చెబుతున్నారు.
ఇక చక్కెర ఎక్కువగా ఉండే పదార్ధాలను తినడం వల్ల కూడా ముసలితనం త్వరగా వస్తుందని చెబుతున్నారు. డయాబెటిస్, లివర్ సమస్యలు ఎక్కువగా వస్తాయని, షుగర్ ఎక్కువగా తీసుకోవడం వల్ల చర్మం ముడతలు పడుతుందని ఆరోగ్య నిపుణులు చెబుతున్నారు. ఇక ప్యాక్ చేసి ఉంచిన మాంసాహారానికి దూరంగా ఉండాలని సూచిస్తున్నారు. మాంసం ఎక్కువ రోజులు ఉండటం కోసం ఉప్పు కలుపుతారని, అలాగే బాగా వేడి చేస్తారని చెబుతున్నారు. అటువంటి మాంసాహారాన్ని తినడం వల్ల చర్మం ముడతలు పడి ముసలివాళ్లలా కనిపిస్తారని అంటున్నారు.
Health Tips: ఆల్కహాల్ మంచిది కాదు:
ఇక ఆల్కహాల్ కూడా ఎక్కువ తీసుకోవడం వల్ల చర్మం ముడతలు పడుతుందని అంటున్నారు. ఆల్కహాల్ కారణంగా చర్మంపై ఉండే కణాలు చనిపోతాయని, దీని వల్ల వృద్ధాప్య ఛాయలు త్వరగా కనిపిస్తాయని అంటున్నారు. ఇక ఎప్పుడూ యంగ్ గా కనిపించాలంటే.. సీజనల్ ఫ్రూట్స్ ఎక్కువగా తీసుకోవాలని, విటమిన్ సి ఎక్కువగా ఉండే పండ్లు తీసుకోవాలని వైద్య నిపుణులు చెబుతున్నారు. అలాగే కూరగాయలు, తృణధాన్యాలు ఎక్కువగా తీసుకోవాలని అంటున్నారు. పాలకూర, టమాట, చేపలు, ఓట్స్ వంటివి తీసుకోవాలని అంటున్నారు.