క‌న్న‌డ రాక్ స్టార్ య‌ష్ క‌థానాయ‌కుడిగా న‌టించిన మోస్ట్ అవెయిటెడ్ పాన్ ఇండియా సినిమా KGF Chapter 2. పాన్ ఇండియా డైరెక్ట‌ర్ ప్రశాంత్ నీల్ ద‌ర్శ‌క‌త్వంలో ప్ర‌ముఖ నిర్మాణ సంస్థ హోంబ‌లే ఫిలింస్ ఈ మూవీ ని నిర్మించింది. KGF Chapter 1 పాన్ ఇండియా రేంజ్‌లో సెన్సేష‌న‌ల్ హిట్ సాధించిన విషయం తెలిసిందే. దీంతో KGF Chapter 2పై భారీ అంచ‌నాలు ఉన్నాయి. దీంతో సినిమా కోసం అంద‌రూ ఎంతో ఎగ్జ‌యిట్మెంట్‌తో చూస్తున్నారు. ఏప్రిల్ 14న తెలుగు, క‌న్న‌డ, హిందీ, త‌మిళ, మ‌ల‌యాళ భాష‌ల్లో సినిమా విడుదలకు సిద్ధంగా ఉంది. లేటెస్ట్‌గా ఈ సినిమా ట్రైలర్ రిలీజ్‌కు సంబంధించిన అప్‌డేట్‌ను సినిమా యూనిట్ విడుద‌ల చేసింది.
KGF Chapter 2 ట్రైల‌ర్‌ను మార్చి 27 సాయంత్రం 6 గంట‌ల 40 నిమిషాల‌కు విడుద‌ల చేయ‌బోతున్న‌ట్లు హోంబ‌లే ఫిలింస్ సంస్థ తెలిపింది. అప్పుడెప్పుడో విడుద‌లైన ఈ సినిమా టీజ‌ర్ సోష‌ల్ మీడియాను షేక్ చేసి వ్యూస్‌, లైక్స్ ప‌రంగా మ‌రే సినిమా సాధించని రికార్డ్‌ను క్రియేట్ చేసింది. దీంతో ట్రైలర్ ఎలా ఉండ‌బోతుందోన‌ని అంద‌రిలోనూ తెలియ‌ని అటెన్ష‌న్ క్రియేట్ చేసింది.
య‌ష్ జోడీగా శ్రీనిధి శెట్టి న‌టిస్తోన్న ఈ చిత్రంలో మెయిన్ విల‌న్ అధీర‌గా సంజ‌య్ ద‌త్ న‌టిస్తున్నారు. అలాగే మ‌రో కీల‌క పాత్ర‌లో ర‌వీనాటాండ‌న్‌, ఇత‌ర ప్ర‌ధాన పాత్ర‌ల్లో ప్ర‌కాష్ రాజ్‌, రావు ర‌మేష్ త‌దిత‌రులు చేస్తున్నారు. సోష‌ల్ మీడియాలో య‌ష్ ఫ్యాన్స్ త‌మ అభిమాన క‌థానాయ‌కుడు ట్రైల‌ర్‌తో స‌రికొత్త రికార్డులు క్రియేట్ చేయ‌డం ప‌క్కా అంటున్నారు. ఎట్ట‌కేల‌కు ట్రైలర్ రిలీజ్‌కు సంబంధించిన అప్‌డేట్ రావ‌డంతో ఫ్యాన్స్ సంబ‌రాలు చేస్తున్నారు. ఈసారి య‌ష్ రాకీ భాయ్‌గా ఎలాంటి న‌ట విశ్వ‌రూపాన్ని చూపించ‌నున్నారో తెలియాలంటే మరి కొన్ని రోజులు ఆగాల్సిందే మరి.
