సూపర్ స్టార్ రజనీకాంత్, దళపతి విజయ్ లాంటి స్టార్ హీరోలకు ఆయన ఇచ్చిన మాస్ సాంగ్స్ ఏ రేంజ్లో హిట్ అయ్యాయో చెప్పాల్సిన అవసరం లేదు.అనిరుధ్ రవిచందర్ అంటే మంచి ఊపున్న మాస్ బీట్లు ఉంటాయి.తమిళ స్టార్ హీరో దళపతి విజయ్తో ‘తేరి’, ‘మెర్సల్’, ‘బిగిల్’ లాంటి బ్లాక్ బస్టర్ సినిమాలను దర్శకుడు అట్లీ తెరకెక్కించారు .. మొదటిసారి బాలీవుడ్కు వెళ్లి షారుఖ్ ఖాన్ లాంటి బడా హీరోతో సినిమా చేస్తున్నారు. అదే ‘జవాన్’. విలన్గా విజయ్ సేతుపతి నటిస్తున్నారు. నయనతార హీరోయిన్. ప్రియమణి కీలక పాత్ర పోషిస్తున్నారు. ఇక దీపికా పదుకొనె ప్రత్యేక పాత్రలో మెరవనున్నారు. షారుఖ్ ఖాన్ భార్య గౌరీ ఖాన్ రెడ్ చిల్లీస్ బ్యానర్పై ఈ సినిమాను నిర్మిస్తున్నారు. గౌరవ్ వర్మ సహ నిర్మాత.
మూడు వారాల క్రితం ‘జవాన్’ టీజర్ విడుదలైంది. ఈ టీజర్ ప్రేక్షకులను ఆకట్టుకోవడమే కాకుండా సినిమాపై అంచనాలను భారీగా పెంచేసింది. కాగా, తొలిపాటను ఈరోజు ఈ సినిమా నుంచి విడుదల చేశారు. టీజర్ మాదిరిగానే ఈ పాటను సైతం తెలుగు,హిందీ, తమిళ భాషల్లో విడుదల చేశారు. హిందీలో ‘జిందా బందా హై’ అంటూ సాగే ఈ పాట.. తెలుగులో ‘దుమ్మే దులిపేలా’ అంటూ సాగింది. ఈ సినిమాకు అనిరుధ్ సంగీతం సమకూరుస్తున్న విషయం తెలిసిందే. ఈ పాటను మూడు భాషల్లోనూ ఆయనే ఆలపించారు.
![‘దుమ్మే దులిపేలా’ సౌత్ బీట్తో దుమ్ము దులిపిన షారుఖ్ . 2 ‘దుమ్మే దులిపేలా’ సౌత్ బీట్తో దుమ్ము దులిపిన షారుఖ్ .](https://rtvmedia.in/wp-content/uploads/2023/07/Untitled-design-2023-07-31T174955.155.jpg)
‘దుమ్మే దులిపేలా’ పాటకు చంద్రబోస్ తెలుగు లిరిక్స్ రాశారు. కోలీవుడ్ కొరియోగ్రాఫర్ శోభి పాల్రాజ్ ఈ పాటకు కొరియోగ్రఫీ అందించారు. అయితే, ఈ పాట అనిరుధ్ స్టైల్లో మంచి మాస్ బీట్తో అలరిస్తోంది. సాధారణంగా బాలీవుడ్ హీరోల పాటలు ఈ స్టైల్లో ఉండవు. కానీ, తమిళ సంగీత దర్శకుడు అయిన అనిరుధ్ తన స్టైల్ను వదల్లేదు. సూపర్ స్టార్ రజనీకాంత్కు అందించినట్టే షారుఖ్ ఖాన్కు కూడా తన శైలిలో ఫాస్ట్ బీట్ సాంగ్ ఇచ్చారు.
హాలీవుడ్లో ‘ఫాస్ట్ అండ్ ఫ్యూరియస్’, ‘కెప్టెన్ అమెరికా’ వంటి యాక్షన్ మూవీస్కి యాక్షన్ డైరెక్టర్గా పనిచేసిన స్పిరో రజటోస్.. ‘జవాన్’ సినిమాకు యాక్షన్ సీక్వెన్స్లను కంపోజ్ చేశారు. తెలుగు, హిందీ, తమిళ భాషల్లో ఈ చిత్రం సెప్టెంబర్ 7న ప్రపంచ వ్యాప్తంగా విడుదల కానుంది.