Bigg boss 6 : బిగ్బాస్ రియాలిటీ షో.. సీజన్ 6కి వచ్చినంత చెత్త నేమ్ మరే సీజన్కు రాలేదు. నిజానికి చెప్పాలంటే ప్రపంచంలోని అన్ని రియాలిటీ షోలలోనే అత్యంత చెత్త షోగా ఇది నిలిచింది. ఈ షో ఇంత చెత్త అని పేరు తెచ్చుకోవడానికి కారణాలేంటి? ముఖ్యంగా ఈ సీజన్కు అతిపెద్ద డ్రా బ్యాక్ కంటెస్టెంట్సే. అసలీ కంటెస్టెంట్ల ఎంపిక ఎలా జరిగిందో కానీ బిగ్బాస్ నిర్వాహకులు ముందుగా పప్పులో కాలేశారు. నిజానికి షో ప్రారంభం అవడానికి కొన్ని నెలల ముందే ఇంటి సభ్యుల ఎంపిక కసరత్తు ప్రక్రియ ప్రారంభమవుతుంది.
ఈ ఎంపిక ఎలా జరిగిందనేది తెలియడం లేదు కానీ పరమ చెత్త కంటెస్టెంట్స్ను బిగ్బాస్ నిర్వాహకులు ఎంచుకున్నారు. ఇంకొక విషయం ఏంటంటే.. కంటెస్టెంట్స్ అంతా అన్ని సీజన్స్ చూసి కాచి వడబోసి రావడం కూడా ఒక డ్రా బ్యాకే. వాళ్ల ఇష్టానురీతిగా వాళ్లు ఆడటం. ఎలా ఆడితే ప్లస్ అవుతుంది? ఎలా ఆడితే ఆడియన్స్ దృష్టిలో పడతాం? అనే అంశాలు తప్ప గేమ్పై ఆసక్తిని కనబరచకపోవడం కూడా ఈ సీజన్ ఫెయిల్యూర్కి ఒక కారణం. ఇక బిగ్బాస్ ఇస్తున్న టాస్క్లు కూడా ఒక కారణం.
ప్రస్తుతం ఇస్తున్న టాస్క్లు గత సీజన్లలో కూడా ఇచ్చినవే కావడం గమనార్హం. కొందరు ప్రతి టాస్క్లోనూ లూప్ హోల్స్ వెదుక్కోవడంతో కొంత గేమ్ దిబ్బతింటోంది. మరికొందరు టాస్క్లు ఆడకుండా కూర్చుండిపోవడం.. ఆడుతున్న వాళ్లకు ఎలా ఆడాలో తెలియకపోవడం వెరసి జనాలకు షో చూడాలంటేనే చిరాకు వచ్చేస్తోంది. ఎంటర్టైన్మెంట్ అంతగా లేదు. చంటి వంటి స్టార్ కమెడియన్స్ను తీసుకున్నా కూడా వాళ్లు ఎంటర్టైన్మెంట్ జోలికే వెళ్లడం లేదు. ఒకరిపై ఒకరు నోరు పారేసుకోవడం.. ఎదుటి వాడిని ఎలా పడగొట్టాలా? అని చూడటం తప్ప తమ గేమ్ను ఎలా మెరుగుపరుచుకుందామని ఒక్కరికీ లేదు.