Turmeric Water: పసుపు ఆరోగ్యానికి ఎంతో మంచి చేస్తుంది. ఎన్నో ఆరోగ్య సమస్యలను దూరం చేస్తుంది. పసుపును ఆయుర్వేద మెడిసిన్గా భావిస్తారు. పసుపు వల్ల ఎన్ని ఆరోగ్య ప్రయోజనాలు ఉన్నాయో ఇప్పుడు తెలుసుకుందాం.
గోరువెచ్చని నీళ్లల్లో కొంచెం పసుపు కలుపుకుని తాగడం వల్ల అనేక అరోగ్య ప్రయోజనాలు ఉన్నాయని ఆయుర్వేద నిపుణులు చెబుతున్నారు. ఇలా తాగడం వల్ల రుమటాయిడ్ ఆర్థరైటిస్ అనే వ్యాధి లక్షణాలను తగ్గిస్తుందని అంటున్నారు. అలాగే చర్మం ప్రకాశవంతంగా మెరుస్తుందని చెబుతున్నారు. ఇక రోజూ వేడి నీళ్లలో పసుపు వేసుకుని తాగడం ద్వారా శరీరంలో ఇమ్యూనిటీ బాగా పెరుగుతుందని, దీని ద్వారా చాలా వ్యాధులు రాకుండా అరికట్టవచ్చని చెబుతున్నారు.
అధిక బరువు నుంచి ఉపశమనం
ఇక క్యాన్సర్ కణాలు ఇతర భాగాలకు వ్యాపించకుండా పసుపు ఉపయోగపడుతుందని అంటున్నారు. రోజు వేడి నీళ్లలో పసుపు వేసుకుని తాగడం వల్ల అధిక బరువు నుంచి బయటపడవచ్చని, శరీరంలోని విషపదార్థాలు కరిగిపోతాయని ఆయుర్వే నిపుణులు అంటున్నారు. అలాగే పసుపులో ఉండే యాంటీ ఆక్సిడెంట్లు చర్మకణాలు దెబ్బతినకుండా చేసి వృద్ధాప్య ప్రక్రియను నెమ్మదింపజేస్తాయని ఆయుర్వేద నిపుణులు చెబుతున్నారు.
Turmeric Water:
అలాగే పసుపు నీటిలో ఉండే యాంటీ ఇన్ఫ్లమేటరీ, యాంటీ ఆక్సిడెంట్లు, విటమిన్ సి అల్జీమర్స్ వ్యాధి రాకుండా అరికడతాయని
వైద్యులు అంటున్నారు. ఇక పసుపులో ఉండే యాంటీ వైరల్, యాంటీ బ్యాక్టీరియల్ గణాలు శరీరానికి చాలా ఉపయోగకరమని అంటున్నారు. అలాగే జీర్ణక్రియను మెరుగుపర్చడంలో పసుపు నీళ్లు చాలా ఉపయోగపడతాయని ఆయుర్వేద వైద్యులు అంటున్నారు. ఇలా పసుపు నీళ్ల వల్ల చాలా ఉపయోగాలు ఉన్నాయి. ఇక వేడి పాలల్లో కొంచెం పసుపు వేసుకుని తాగడం ద్వారా దగ్గు, జలుబు లాంటి అనేక వ్యాధుల నుంచి ఉపశమనం పొందవచ్చు. ఇలా పసుపుని వివిధ రూపాల్లో తీసుకోవడం ద్వారా అనేక అరోగ్య సమస్యలు తొలగిపోతాయి.